A kloans Gidichtl in Puschtra Dialekt - ist er zu stark - bist du zu schwach
Ob Erstbegehung odo olto Klassika isch Wurst
Hauptsoche untowegs und donoch an Durst
A netta Gemeinschoft mit gleichgsinnta Leit
Pado Hochtourngruppe hots a Freid
und kemm tutman wennman will weit!
Die Cojote isch et ugly sundon clean
Di Faust klemmp in roatn Fels, You know what I mean?
In 2. Jänno in Südn Alpinkletton, an Tog drau in Ahrntol an gfrorn Wosso - Stoan - Mix
Des gibs la pa ins in Südtirol- se isch fix!
In do Schrommocha Diagonale,
wors stuckeweis gorawin hale,
A do Tribulaun in Winto wert oan et gschenkt
dass se ibohaup meglich isch, wer hett sich se gidenkt?
In Jänno pa Minus 20 Grad in do Torre Wundt Südwond hong
dass die Banane woach bleib konnman sem et volong
Vowundota Blicke fa di Tourngiana in Tol
Mit do Sunne afn Buggl fühlmo ins obo gewaltig wohl
Die Nordwond fa "Les Droits"
Erfolgreich bestiegn - ins freuts
ginaua gsog "Lagarde Direct"
oanfoch perfekt
Als olloersto ibo di Schleyerberg Nordrinne ognwedl
do staunt Olt und Jung, Bui und Mädl
und amo schnell loggo afn Badile augnrenn,
Do hett do Cassin lama gsog - de spinn!
Indo Peitla Nordwond ischs giwedn recht feicht
und wieman woass reicht leicht feicht leicht
wichtig wor la et ognfoll
gleich wie indo Nordwond fan Hoachgoll
und in do Nordwond fan Cristallo
wor is wichtigste et ognfallo
Hörnli, Stüdl, Lion und Bianco sein koana Schokoriegl und a koan Kas,
Sundon Grate wo is ausgsetzte manondokraxl mocht Spaß
Die Fenstola - Nordwond Iboschreitung mochn amo loggo 2 Fitta
Pa a leichtn frische wert sogor do Himbasoft zilest zin Granita
Grand Jorasses hot nix mit Dinosauria zi tian
und sem augn komman anet spaziern gian
a wenn man "Walkerpfeiler" sog
isch decht ordntlich Kondition, Technik und Power frog
Fadi Alpen eppa is leste Problem
Meiston insra Alpinistn bequem
Die Minnigerode isch eigntlich anet soffl mini,
2100 HM in oamo fan Tol afn hegstn Punkt Südtirols, jo spinni
Di Ski afn Buggl die Pickl indo Hond
Und die beste Sicht af inso schians Lond
Ortla, Kinig, Zebrú Norwände und se in 3 Toge hintranond
de Burschn san zi epas in Stond
Und in la 1 Tog af olla 3 Zinn
jo oftamo tian insra HG-ila schun spinn
Abram, Cassin und Comici, i denk fa di oltn Alpinistn di Meistn -
warn stolz wos insra jung Alpinistn aso leistn
a wennse vielleicht gleichzeitig awian lochn
dassze sich teiweise mit do bestn Ausrüstung ins Hesl mochn
Jo wias seg - die Puschtra HG wor wido on Tour
Ideedn, Power und Motivation pur
Fa miade und stuff koan Spur
Noch den Corona homo gibraucht a Kur
Die beste Therapie wor, isch und wert olbm bleibn
Berge, Wänte, Kletton und meglichst viel doreissn!
